სერენა უილიამსი და კარლოს ალკარასი 2026 წლის US Open-ის შერეულ წყვილთა ჩემპიონატზე სუპერვარსკვლავურ დუეტს შექმნიან.
წყვილმა ტურნირზე მონაწილეობის სპეციალური მოწვევა (wild card) მიიღო.
ისინი შეუერთდებიან ვარსკვლავური წყვილებით დაკომპლექტებულ ტურნირს, რომელშიც ასევე ითამაშებენ არინა საბალენკა და ნოვაკ ჯოკოვიჩი, გასული გათამაშების ფინალისტები - იგა შვიონტეკი და კასპერ რუუდი, ასევე მოქმედი ჩემპიონები - სარა ერანი და ანდრეა ვავასორი.
2026 წლის US Open-ის შერეულ წყვილთა ჩემპიონატი საკვალიფიკაციო ეტაპით ორშაბათს, 24 აგვისტოს დაიწყება, ხოლო ძირითადი ბადის შეხვედრები სამშაბათსა და ოთხშაბათს გაიმართება.
კარლოს ალკარასმა ხუთშაბათს დაადასტურა, რომ 2026 წლის US Open-ზე იასპარეზებს. ესპანელმა ჩოგბურთელმა კორტზე დაბრუნება ოფიციალურად მას შემდეგ დააანონსა, რაც მარჯვენა მაჯის ტრავმის გამო აპრილიდან მოყოლებული ვერ თამაშობდა.
