VIDEO: 16-დან 16! მოქმედი ჩემპიონი დამარცხებულია - ბაიერნი უდანაკარგო სვლას აგრძელებს

ჩემპიონთა ლიგის საერთო ფაზის მე-4 ტურში ბაიერნმა სტუმრად პსჟ დაამარცხა.

შეხვედრა პარკ დე პრენსზე გაიმართა და სტუმართა გამარჯვებით 2:1 დასრულდა.

თამაშში შოუ ლუის დიასმა მოიპარა, რომელმაც 32-ე წუთისთვის დუბლი მიითვალა, ტაიმის მიწურულს კი აშრაფ ჰაკიმიზე სერიოზული უხეშობის გამო პირდაპირი წითელი ბარათი მიიღო და თავისი გუნდი 10 კაცით დატოვა. სხვათაშორის, მიღებული დაზიანების გამო ჰაკიმიმ თამაშის გაგრძელება ვერ მოახერხა.

მიუხედავად რიცხობრივი უპირატესობისა, ბაიერნმა მეორე ნახევარში მხოლოდ ერთი გოლი გაუშვა, როცა ტრავმირებული დემბელეს ნაცვლად მოედანზე შემოსულმა ლი კან ინმა ჟოაო ნევეშს გაატანინა.

თუმცა, პარიზელებმა მეტი ვერაფერი გაახერხეს და ბაიერნი შინ 3 ქულით გაუშვეს.

ცნობისთვის, ბაიერნმა ამ სეზონში ზედიზედ მე-16 თამაში მოიგო და 100%-იან სვლას განაგრძნობს.

ბაიერნმა 12 ქულა დააგროვა და სატურნირო ცხრილს არსენალთან ერთად ლიდერობს, პსჟ-მ კი ამ სეზონში პირველი ქულები დაკარგა და 9 ქულით მე-3 პოზიციაზეა.

პარიზელთა რიგებში სრული მატჩი ჩაატარა ხვიჩა კვარაცხელიამ, რომელიც 4 დარტყმით, 94%-იანი პასების სიზუსტით და 2 წარმატებული დრიბლინგით გამოირჩა, რისთვისაც გამოცემა Sofascore-მა 6.8 შეფასება დაუწერა. 

0-1 ლუის დიასი 4'

0-2 ლუის დიასი 32'

1-2 ჟოაო ნევეში 74'