VIDEO: 3 საგოლე პასი ერთ მატჩში - გულიაშვილი ბოსნიის ჩემპიონატის საუკეთესო ასისტენტია

გიორგი გულიაშვილმა, ბოსნიის ჩემპიონატის მე-18 ტურში, ერთ-ერთ უშუალო კონკურენტ ჟელიეჟნიცართან ბრწყინვალე თამაში ჩაატარა და სარაევოს 3 საგოლე პასით დაეხმარა.

ქართველის გუნდმა 4:0 მოიგო, გიომ კი ასისტები პირველი, მეორე და მეოთხე გოლისას გააკეთა.

გულიაშვილმა ბოსნიის ჩემპიონატში მე-9 საგოლე მოქმედება მიითვალა და მათგან 8 საგოლე პასია. შედეგად, იგი WWIN LIGA BIH-ის ასისტენტთა სიაში პირველ ადგილზეა - მე-2 ადგილოსანს 3 საგოლე გადაცემით უსწრებს.

სარაევომ 26 ქულა მოაგროვა და ჩემპიონატის მე-3 პოზიციაზე აინაცვლა. მომდევნო ტურში მე-2 ადგილოსან ჟრინსკის ესტუმრება - გუნდებს შორის სხვაობა 11 ქულაა.