VIDEO: 3-სეტიანი ბრძოლა - გაუფმა მოიგო და სვიტოლინაზე გავიდა

მსოფლიოს მე-3 ჩოგანმა, კოკო გაუფმა ჩეხ კაროლინა მუხოვასთან 3-სეტიანი ბრძოლა გადაიტანა და 1/4 ფინალში თამაშის უფლება მიიღო.

ამერიკელმა პირველი სეტი სრული დომინაციით ჩაატარა, მეორე პარტია დათმო, თუმცა მესამეში ინიციატივა ისევ სრულად გააკონტროლა და მუხოვას 5-დან მეხუთე ურთიერთშეხვედრა მოუგო - 6:1; 3:6; 6:3.

გაუფს შემდეგ წრეში უკრაინელი ელინა სვიტოლინა ელოდება, რომელმაც მსოფლიოს მე-7 ჩოგან მირა ანდრეევას იოლად აჯობა - 6:2; 6:4.

კოკო გაუფი დიდი სლემის ტურნირების 2-გზის ჩემპიონია (როლან გაროსი და ამერიკის ღია პირველობა), თუმცა AO-ზე ფინალშიც არასდრის გასულა.