NBA-ს პლეიოფში სერიის მე-6 მატჩი გაიმართა გოლდენ სტეიტ უორიორსსა და ჰიუსტონ როკეტსს შორის.
შეხვედრა ჰიუსტონის გამარჯვებით 107-115 დასრულდა და სერიაში ანგარიში გათანაბრდა (3-3).
აღსანიშნავია, რომ გოლდენ სტეიტი 3-1 იგებდა, თუმცა როკეტსმა ზედიზედ 2 მატჩის მოგება მოახერხა და სერია მე-7 თამაშამდე მიიყვანა.
მოგებულ გუნდს ფრედ ვანვლიტმა (29 ქულა, 8 მოხსნა, 8 შედეგიანი გადაცემა) და ალფერენ შენგუნმა (21 ქულა, 14 მოხსნა) ულიდერეს.
სერიის მე-7 მატჩი 5 მაისს გაიმართება. ამ გუნდებს შორის გამარჯვებულს მომდევნო ეტაპზე მინესოტა ტიმბერვულვზი ელის, რომელმაც ლოს ანჯელეს ლეიკერს მოუგო სერია (4-1).
