მსოფლიო 2026 წლის ჩემპიონატის შესარჩევი ეტაპის მატჩში, არგენტინამ საკუთარ მოედანზე ჩილე 3:0 გაანადგურა.
ამ შეხვედრის დაწყების წინ, გულშემატკივრები ანხელ დი მარიას დაემშვიდობნენ, რომელმაც სანაკრებო კარიერა კოპა ამერიკას შემდეგ დაასრულა.
„ახლა მეც ერთ-ერთი ფანი ვიქნები და გუნდს ტრიბუნებიდან დავუჭერ მხარს.
ყველა კოპა ამერიკა და მსოფლიო ჩემპიონატს დავესწრები, რომელშიც არგენტინა მიიღებს მონაწილეობას.
დარწმუნებული ვარ, გუნდი წარმატებულ სვლას გააგრძელებს, იმიტომ რომ ამ ნაკრებში უდიდესი ნიჭია თავმოყრილი." - აღნიშნა დი მარიამ.
