VIDEO: ალკარასი და ბუბლიკი - ლონდონსა და ჰალეში ჩემპიონები გაირკვნენ

ჩოგბურთში ბალახის საფარზე ორი 500-ქულიანი ტურნირის ფინალური მატჩი გაიმართა.

ლონდონში ტიტულისთვის კარლოს ალკარასი და ირჟი ლეჰეჩკა იბრძოდნენ. მატჩი 2 საათი და 10 წუთი გაგრძელდა, 3-სეტიან შეხვედრაში გამარჯვებული ესპანელი გახდა (7-5, 6-7, 6-2).

კარლოსმა ჩემპიონობის გზაზე ლეჰეჩკასთან ერთად უოლტონი, მუნარი, რიდერკნეში და ბაუტისტა-აგუტი დაამარცხა.

22 წლის ალკარასისთვის ეს კარიერაში 21-ე ტიტულია, 2025 წელს კი მან ტურნირი ყველა საფარზე მოიგო, ჯამში კი ჩემპიონობა მეხუთედ იზეიმა.

გერმანიის ქალაქ ჰალეში კი ფინალური შეხვედრა ალექსანდერ ბუბლიკსა და დანილ მედვედევს შორის გაიმართა, აქ გამარჯვებული 2 სეტში გაირკვა, ბუბლიკმა მეტოქეს აჯობა (6-3, 7-6).

ჩემპიონმა სატიტულო გზაზე მედვედევთან ერთად მიულერს, სინერს, მაჩაკსა და ხაჩანოვს სძლია. ბუბლიკმა მედვედევი კარიერაში პირველა დაამარცხა, ჰალეს ტურნირი კი მეორედ მოიგო.