VIDEO: ბაიერნის სასწაული და ბოლო 10 წუთში 0:2-დან მოგებული მატჩი

ბუნდესლიგის 28-ე ტურში მიუნხენის ბაიერნმა სტუმრად ფრაიბურგი მძიმე ბრძოლაში დაამარცხა.

მე-80 წუთისთვის ვენსან კომპანის გუნდი 0:2-ს აგებდა, თუმცა ბოლო წუთებში სამი გოლის გატანა მოახერხა და სამი ქულა მოიპოვა.

დუბლით თავი 20 წლის მარცხენა მცველმა, თომას ბიშოფმა გამოიჩინა, გამარჯვების გოლი კი ახალგაზრდა ლენარტ კარლმა მსაჯის მიერ მე-9 კომპენსირებულ წუთზე გაიტანა და ბაიერნს შთამბეჭდავი გამარჯვება ოფიციალურად გაუნაღდა.

მიუნხენელთა ლიდერმა ჰარი კეინმა მატჩი დისკომფორტის გამო გამოტოვა.

28 ტურის შემდეგ ბაიერნი 73 ქულით პირველ ადგილს იკავებს და ჩემპიონატის დასრულებამდე 6 ტურით ადრე, მეორეადგილოსან დორტმუნდს 11 ქულით უსწრებს, რაც იმას ნიშნავს, რომ ჩემპიონობის ოფიციალურად გაფორმება მიუნხენელებისთვის უბრალოდ დროის ამბავია.

1-0 მანზამბი 46'

2-0 ჰიოლერი 71'

2-1 ბიშოფი 81'

2-2 ბიშოფი 90+2'

2-3 კარლი 90+9'