VIDEO: ბოლო წუთების დრამა - ქალთა ნაკრები ფარერებთან დამარცხდა
06 ივნ, 2026 · 0 წთ წასაკითხად
-
Aa
+
ფონტის ზომა
საქართველოს ქალთა ნაკრები, მსოფლიო ჩემპიონატის შესარჩევი ეტაპის ეგიდით, ფარერის კუნძულების ნაკრებს შეხვდა და 2:3 დამარცხდა.
დავით პეტრიაშვილის სახელობის სტადიონზე გამართულ მატჩში, ჩვენი გუნდი ორჯერ იგებდა - ჯერ მაიკო ბებიამ შეაგდო პენალტიდან, შემდეგ ნინი ბუხრიკიძემ გაიტანა ეფექტური გოლი, თუმცა კუნძულელებმა ორივეჯერ გაათანაბრეს და 90-ე წუთზე საერთოდ გამარჯვებაც გაიფორმეს.
შედეგად, საქართველოს ნაკრებს 3 ტურის შემდეგ ქულა არ აქვს, ფარერებმა 6 ქულა მოიპოვა და შესარჩევი დაასრულა, ხოლო 3-გუნდიან ჯგუფს 9-ქულიანი საბერძნეთი ლიდერობს.
"გოლის გატანის ბევრი შესაძლებლობა გვქონდა, გავიტანეთ კიდეც, მაგრამ, სამწუხაროდ, მეორე ტაიმში რამდენიმე შეცდომა დავუშვით.
შესაძლებლობები გვქონდა, ანგარიში კიდევ უფრო გაგვეზარდა, მაგრამ ფეხბურთში ასეა — თუ შენს შანსებს ვერ იყენებ, მეტოქე სარგებლობს ამით. სწორედ ეს მოხდა დღესაც.
ბოლოს ყველაფერი შეტევაში ჩავდეთ, რადგან ამ მატჩის მოგება გვინდოდა, და, ამ ფონზე, მესამე გოლიც გავუშვით.
ვფიქრობ, ფეხბურთელებმა ყველაფერი გაიღეს. მინდა, მადლობა გადავუხადო გულშემატკივრებს, რომლებიც სტადიონზე მოვიდნენ და მთელი მატჩის განმავლობაში მხარს გვიჭერდნენ", - აღნიშნა საქართველოს ნაკრების მთავარმა მწვრთნელმა, ირის ანტმანმა.
საქართველოს ეროვნული გუნდი საკვალიფიკაციო ეტაპის ბოლო, მე-4 შეხვედრას 9 ივნისს, თბილისში, საბერძნეთის წინააღმდეგ გამართავს. მატჩი მიხეილ მესხი 2-ზეა და 21:00 საათიდან დაიწყება.
