ფიფას საკლუბო მსოფლიო ჩემპიონატის მე-2 ტურში ერთმანეთს ჩემპიონთა ლიგისა და კოპა ლიბერტადორესის გამარჯვებულები - პსჟ და ბოტაფოგო დაუპირისპირდნენ.
მატჩი სენსაციურად, ბრაზილიური გუნდის გამარჯვებით 0-1 დასრულდა, გადამწყვეტი გოლი 36-ე წუთზე იგორ ჟესუსმა გაიტანა.
ბოტაფოგო გახდა პირველი სამხრეთ ამერიკული გუნდი 2012 წლის შემდეგ, რომელმაც მსოფლიო საკლუბო ჩემპიონატზე ევროპული გუნდი დაამარცხა. მაშინ კორინთიანსმა ჩელსის 1-0 მოუგო.
ჩემპიონთა ლიგის მფლობელმა პარიზელებმა კი 5 მარტის შემდეგ პირველად ვერ შეძლეს თამაშში გოლის გატანა.
ხვიჩა კვარაცხელიამ შეხვედრა სრულად ჩაატარა და Sofascore-ის მიხედვით მატჩში ვიტინიას შემდეგ საუკეთესო იყო. პორტუგალიელმა 8.0 შეფასება მიიღო, ქართველმა კი - 7.8.
2 ტურის შემდეგ ჯგუფში ბოტაფოგო 6 ქულით გალიდერდა, პარი სენ-ჟერმენსა და ატლეტიკოს 3-3 ქულა აქვთ. მადრიდელებმა სიეტლ სანდერსი დაამარცხეს 1-3. გოლები ბარიოსმა (დუბლი) და ვიტსელმა გაიტანეს.
23 ივნისს, პსჟ სიეტლს დაუპირისპირდება, ბოტაფოგო კი - ატლეტიკოს.
