VIDEO: ჩემპიონშიფი დასრულდა - რომელ ადგილზე გავიდა უოტფორდი

ქართველების უოტფორდმა ინგლისის ჩემპიონშიფის ბოლო, 46-ე ტურში პრემიერ ლიგაში უკვე დაწინაურებულ ქოვენთრისთან 0:4 წააგო.

ფრენკ ლამპარდის გაწვრთნილმა გუნდმა უოტფორდელებს თითო ტაიმში 2-2 გოლი გაუტანა იმ ფონზე, რომ მისი XG-ის ჯამური მაჩვენებელი მხოლოდ 0.93 იყო.

გიორგი ჩაკვეტაძეც და საბა გოგლიჩიძეც ძირითად შემადგენლობაში იყვნენ - ორივე მათგანი 62-ე წუთზე შეცვალეს, 0:3-ზე.

უოტფორდმა ბოლო 8 ტურში მხოლოდ 2 ქულა აიღო, ბოლო 5 თამაშში კი ზედიზედ დამარცხდა. შედეგად, ჩემპიონშიფის 2025-26 წლების 24-გუნდიანი სეზონი მე-16 ადგილზე დაასრულა.

ჩაკვემ 29 მატჩში 3 საგოლე პასი ჩაიწერა აქტივში, უდინეზედან იანვარში დამატებულმა გოგლიჩამ კი 12 შეხვედრაში მიიღო მონაწილეობა.

ცნობისთვის, ქოვენთრიმ ჩემპიონატი 11-ქულიანი უპირატესობით მოიგო და პრემიერ ლიგაში 2000-01 წლების სეზონის შემდეგ პირველად ითამაშებს. მის გარდა, პირდაპირი საგზური მიიღო იფსვიჩმა, რომელიც უმაღლეს დივიზიონს 1-წლიანი პაუზის შემდეგ უბრუნდება, ხოლო მე-3 საგზური პლეი-ოფში გათამაშდება.