საქართველოს ხელბურთის ნაკრებმა ევროპის ჩემპიონატის ჯგუფურ ეტაპზე პირველი მატჩი გამართა და მსოფლიოს მოქმედ ვიცე-ჩემპიონ ხორვატიასთან 29:32 დამარცხდა.
პირველ ტაიმში ჩვენები წინ 6 ბურთითაც გავიდნენ, ტაიმის ბოლოდან კი თამაში უკვე ბურთი-ბურთში წავიდა და ბოლო წუთებამდე სერიოზული ბრძოლა იყო. საბოლოოდ, ბოლო 2 წუთში ხორვატია წინ 4 ბურთით გავიდა, რამაც გამარჯვებულის ბედიც გადაწყვიტა.
გიორგი ცხოვრებაძემ 7 გოლი შეაგდო, გიორგი დიხამინჯიამ მასზე 1-ით ნაკლები, ხაზეინ რუსტამოვისა და ნიკა კალანდაძის აქტივში კი 5-5 გოლი გახლდათ.
ჩვენი გუნდი მომდევნო თამაშს, 19 იანვარს, შვედეთის ნაკრების წინააღმდეგ გამართავს.
