VIDEO: დონჩიჩის 60 ქულა და ლეიკერსის ზედიზედ მე-8 მოგება

NBA-ის რეგულარული სეზონის მატჩში მაიამი ჰიტი ლოს ანჯელეს ლეიკერსს დაუპირისპირდა და 126-134 დამარცხდა.

კიდევ ერთხელ დამტკიცდა, რომ საოცარ ფორმაშია ლუკა დონჩიჩი, რომელმაც ისტორიული მატჩი ჩაატარა. სლოვენიელმა 60 ქულა, 7 მოხსნა და 5 ჩაჭრა დააგროვა. მან თამაშში 30-დან 18 ბურთი ჩააგდო, საიდანაც 17-დან 9 სამქულიანი იყო. მისი 19 საჯარიმოდან კი 15 ზუსტი აღმოჩნდა.

2016 წლის 13 აპრილის შემდეგ, როცა კობი ბრაიანტმა თავისი კარიერის ბოლო მატჩში იუტა ჯაზს 60 ქულა ჩაუგდო, ეს ლეიკერსის მოთამაშის მხრიდან პირველი 60-ქულიანი თამაშია.

გამორჩეული მატჩი ჰქონდა 41 წლის ლებრონ ჯეიმსსაც, რომელმაც კარიერაში 124-ე სამმაგი დუბლი მიითვალა - 19 ქულა, 15 მოხსნა, 10 შედეგიანი გადაცემა.

ლეიკერსმა ზედიზედ მე-8 მატჩი მოიგო, რეგულარულ სეზონში კი 70 შეხვედრაში მოპოვებული 45 გამარჯვებით დასავლეთ კონფერენციაში მე-3 ადგილს იკავებს და მხოლოდ ოკლაჰომა სიტი თანდერსა და სან ანტონიო სპურსს ჩამორჩება.

ამ 8 მატჩში ლუკა დონჩიჩის სტატისტიკა ასეთი იყო:

60 ქულა - 7 მოხსნა - 5 ჩაჭრა

40 ქულა - 9 მოხსნა - 10 ასისტი

36 ქულა – 6 მოხსნა – 4 ასისტი

30 ქულა – 11 მოხსნა – 13 ასისტი

51 ქულა – 10 მოხსნა – 9 ასისტი

31 ქულა – 11 მოხსნა – 11 ასისტი

35 ქულა – 8 მოხსნა – 4 ასისტი

44 ქულა – 9 მოხსნა – 5 ასისტი