უეფას ჩემპიონთა ლიგის 1/4 ფინალური ეტაპის საპასუხო მატჩში დორტმუნდმა სიგნალ იდუნა პარკზე ბარსელონა მიიღო.
ესპანეთში 4-0 მარცხის შემდეგ ბორუსიას სასწაული სჭირდებოდა და საბოლოოდ ეს სასწაული არ მოხდა, თუმცა გერმანელებმა გაიბრძოლეს.
მე-11 წუთზე სერუ გირასიმ პენალტი ეფექტურად შეასრულა და ანგარიში გახსნა, რითიც დორტმუნდელებს იმედი გაუჩინა.
49-ე წუთზე ბორუსიას თავდამსხმელმა დუბლი შეასრულა, თუმცა აქედან 5 წუთში ბენსებაინის ავტოგოლის შემდეგ მასპინძელთა სიტუაცია გართულდა.
76-ე წუთზე გირასიმ იმედები ისევ გააღვიძა და ჰეთთრიქი შეასრულა, თუმცა გერმანულ გუნდმა მეტი გოლის გატანა ვეღარ შეძლო და ორი მატჩის ჯამში ბარსელონამ 3-5 იმარჯვა.
კატალონიური გუნდი ჩემპიონთა ლიგის 1/2 ფინალშია, სადაც ინტერსა და ბაიერნს შორის გამარჯვებულს დაელოდება.
