„ყველა თამაშში მინდა მონაწილეობა", - რაფინია კრიტიკას არ ეთანხმება

ბარსელონას შემტევმა, რაფინიამ, ბრაზილიის ნაკრებში თამაშის სურვილი კიდევ ერთხელ დაადასტურა.

ფეხბურთელს მანამდე სანაკრებო შეკრებებზე მიღებულ ტრავმებთან დაკავშირებული კომენტარების გამო აკრიტიკებდნენ.

„ყველა მატჩში თამაში და მოედანზე რაც შეიძლება მეტი დროის გატარება მინდა. თუ ორგანიზმი საშუალებას მომცემს, ყოველთვის მაქსიმალურად დავიხარჯები.

ნაკრების მაისურის პირველად ჩაცმიდანვე მკაფიოდ ვამბობდი, რომ აქ ყოფნა მსურდა. ეროვნული გუნდისთვის ზურგი არასდროს შემიქცევია - ყოველთვის ყველაფერს ვაკეთებდი, რაც შემეძლო. ჩემთვის ეს პატივი და პრივილეგია იყო და ყოველთვის ასე დარჩება“, - თქვა რაფინიამ.

შემტევმა განმარტა, რომ მხოლოდ ახალი ტრავმების თავიდან აცილება სურდა, რათა კლუბსაც დახმარებოდა და ნაკრებსაც.

მან მარცხენა ყურზე კისტის მოსაშორებელი ოპერაციაც გადაიტანა, რათა იაპონიასთან 14 ნოემბერს და სინგაპურთან 17 ნოემბერს დაგეგმილ ამხანაგურ მატჩებში მონაწილეობა მოესწრო.