VIDEO: ძირითად ხუთეულში იყო - მამუმ ლებრონის ლეიკერსთან 36 წუთი ითამაშა

სანდრო მამუკელაშვილის ტორონტო რეპტორსმა ლუკა დონჩიჩის გარეშე მყოფ ლოს ანჯელეს ლეიკერსთან სუპერ დაძაბული საშინაო შეხვედრა წააგო.

მატჩის ბოლო მეოთხედი ქულა-ქულაში წარიმართა და უკანასკნელი შეტევისას ანგარიში 120:120 გახლდათ, რა დროსაც სტუმართა იაპონელმა ლეგიონერმა, რუი ჰაჩიმურამ 3-ქულიანი ბაზერ ბითერი ჩააგდო და გამარჯვება კალიფორნიელებს გაუფორმა.

მამუ, ცენტრის პოზიციაზე, ტორონტოელთა ძირითად ხუთეულში იყო, 36:38 წუთი ითამაშა და ორმაგ დუბლამდე ორი მოხსნა დააკლდა - 13 ქულა, 8 მოხსნა, 5 ასისტი. 4-დან 1 ორქულიანი, 9-დან 3 სამქულიანი და 3-დან 2 საჯარიმო ჩააგდო. 2-2 ჩაჭრა, ბლოკი და დაკარგვა ჰქონდა.

დონჩიჩის არყოფნაში, ლეიკერსს ოსტინ რივზმა ულიდერა - 44 ქულა, 5 მოხსნა, 10 ასისტი, ხოლო კანადელთა ლიდერ სკოტი ბარნსს სამმაგ დუბლამდე ერთადერთი ასისტი დააკლდა - 23 ქულა, 11 მოხსნა, 9 ასისტი.

ლოს ანჯელესელებმა რეგულარულის მე-16 მატჩი მოიგეს (21-დან) და დასავლეთ კონფერენციაში მხოლოდ მოქმედ ჩემპიონ ოკლაჰომას (21 მოგება და 1 წაგება) ჩამორჩებიან.

23-დან 15 მოგება აქვს ტორონტოს, რომელმაც აღმოსავლეთ კონფერენციის მე-2 ადგილი ისევ ნიუ იორკ ნიქსს დაუთმო. 

მამუკელაშვილის გუნდი, 6 დეკემბრის 04:30 საათზე, თავიანთივე კონფერენციის მე-12 ადგილოსან შარლოტს უმასპინძლებენ. ჰორნეთსთან, 30 ნოემბერს, სტუმრად ოვერტაიმში დამარცხდნენ.