VIDEO: ცვლილებაზე შევიდა და 2 ასისტი გააკეთა - ნონიკაშვილის გუნდი ჩემპიონობისთვის იბრძვის
2 სთ წინ · 0 წთ წასაკითხად
-
Aa
+
ფონტის ზომა
ლნზ ჩერკასის ნახევარმცველმა, შოთა ნონიკაშვილმა, უკრაინის ჩემპიონატის მე-19 ტურში, ვერეს-რივნესთან გასვლითი მატჩისას, 2 საგოლე პასი გააკეთა.
25 წლის შუახაზელი თამაშში 76-ე წუთზე ჩაერთო, რის შემდეგაც ჯერ ავუდუ აბდულს პოზიციური შეტევისას გადააწოდა საგოლედ, დამატებულ წუთებზე კი გოლი მის ჩაწოდებულ კუთხურს მოჰყვა.
იბერია 1999-ის ყოფილი ფეხბურთელი უკრაინულ კლუბში 2024 წლის აგვისტოდან თამაშობს - მიმდინარე სეზონის 17 მატჩში 2 გოლი და 2 ასისტი აქვს.
ლნზ ჩერკასი მე-2 ადგილზეა და ჩემპიონატის ლიდერ შახტარ დონეცკს 3 ქულით ჩამორჩება. მომდევნო ტურში ბოლოსწინა პოზიციაზე მყოფ ოლეკსანდრიას უმასპინძლებს.
