VIDEO: ერთ-ერთი საუკეთესო იყო - თოკოს ბარსამ ევროლიგაზე ბოლო 6-დან მე-5 თამაში წააგო

თორნიკე შენგელიას ბარსელონა, ევროლიგის ეგიდით, ოლიმპია მილანოს სტუმრად შეხვდა და 3-ქულიანი სხვაობით დამარცხდა - 84:87.

საინტერესოა, რომ ბოლო მეოთხედის წინ მილანელები 27 ქულით იგებდნენ, თუმცა ბარსამ სხვაობის 2 ქულამდე შემცირება შეძლო, თუმცა საბოლოოდ მაინც დამარცხდა.

ბარსას ქართველი ლიდერი მოედანზე ერთ-ერთი საუკეთესო იყო - 15 ქულა, 7 მოხსნა, 1 ასისტი. მისი ეფექტიანობის ინდექსი 19 გახლდათ, რაც ორივე გუნდში მე-2 მაჩვენებელი გახლდათ - ბოლმაროს, ლედაისა და სატორანსკის 22-22 ჰქონდათ.

კატალონიურ გრანდს ევროლიგაზე ცუდი სვლა აქვს - ბოლო 6-დან 5 მატჩი წააგო. შედეგად, სატურნირო ცხრილში უკვე მე-8 ადგილზე ჩაინაცვლა.

მომდევნო თამაშს, 13 მარტს, ერთ-ერთ უშუალო კონკურენტ ჰაპოელ თელ-ავივთან საკუთარ დარბაზში გამართავს.