VIDEO: გამარჯვება ბაზერ ბითერით - ორლანდომ სეზონში მეხუთედ მოიგო
3 სთ წინ · 0 წთ წასაკითხად
ლინკის დაკოპირება
-
Aa
+
ფონტის ზომა
გოგა ბითაძის ორლანდო მეჯიქმა NBA-ის რეგულარულის მიმდინარე გათამაშებაში მე-5 შეხვედრა მოიგო. საკუთარ დარბაზში პორტლენდ ტრეილ ბლეიზერსი დაამარცხეს - 115:112.
შეხვედრის ბოლო წამები ძალიან დაძაბული გამოდგა და მეჯიქმა დესმონდ ბეინის 3-ქულიანი ბაზერ ბითერით გაიმარჯვა.
ორლანდოელთაგან გამორჩეული კვლავ პაოლო ბანკერო გახლდათ, რომელსაც ორმაგ დუბლამდე 1 მოხსნა დააკლდა - 28 ქულა, 9 მოხსნა და 3 შედეგიანი გადაცემა. ასევე თითო მოხსნა დააკლდათ ორმაგ დუბლამდე ფრანც ვაგნერსა (19 ქულა, 9 მოხსნა და 6 ასისტი) და ვენდელ კარტერს (19 ქულა, 9 მოხსნა და 5 ასისტი).
რაც შეეხება გოგას, მან პარკეტზე გატარებულ 17:48 წუთში 7 ქულა, 5 მოხსნა და 1 შედეგიანი გადაცემა მიითვალა.
მეჯიქმა 11 შესაძლებლობიდან მე-5 გამარჯვება იზეიმა და აღმოსავლეთ კონფერენციის მე-11 ადგილზე იმყოფება. 13 ნოემბრის 04:00 საათზე, ნიუ იორკ ნიქსს ესტუმრებიან.
