VIDEO: განადგურება პირველივე ტაიმში - ბარსელონა სუპერკოპას ფინალშია

ესპანეთის სუპერ თასის ნახევარფინალურ მატჩში ბარსელონა ატლეტიკს დაუპირისპირდა და მარტივად დაამარცხა.

ჰანსი ფლიკის გუნდმა შეხვედრის ბედი პირველივე ტაიმში გადაწყვიტა. 16-წუთიან მონაკვეთში კატალონიელებმა 4 გოლის გატანა შეძლეს.

ბლაუგრანას მხრიდან თავი ფერან ტორესმა, ფერმინ ლოპესმა, რონი ბარდგჯიმ და რაფინიამ გამოიჩინეს. მეორე ტაიმში კი რაფინიამ კიდევ ერთი გოლი გაიტანა და დუბლი შეასრულა, ბარსელონამ კი ატლეტიკი 5-0 გაანადგურა.

კატალონიელები სუპერ თასის ფინალში გავიდნენ, სადაც მადრიდულ დერბიში, რეალსა და ატლეტიკოს შორის გამარჯვებულს შეხვდებიან.

22' ფერანი 1-0

30' ფერმინი 2-0

34' ბარდგჯი 3-0

38' რაფინია 4-0

52' რაფინია 5-0