VIDEO: გოგლიჩიძის დებიუტი ინგლისში - ქართველების უოტფორდი საუთჰემპტონთან დამარცხა

გიორგი ჩაკვეტაძისა და საბა გოგლიჩიძის უოტფორდმა, ინგლისის ჩემპიონშიფის 31-ე ტურში, საუთჰემპტონთან სტუმრად წააგო - 0:1.

ჩაკვე ძირითად შემადგენლობაში იყო და შეუცვლელად ითამაშა, გოგლიჩას კი დებიუტი ჰქონდა - მოედანზე 70-ე წუთზე შევიდა. ეგრევე კუთხურისას ორთაბრძოლაში შესვლა მოუწია და, სამწუხაროდ, მეტოქემ ერთადერთი გოლი მასთან ჭიდილში გაიტანა.

7-მატჩიანი წაუგებელი სერიის შემდეგ, უოტფორდელებს უკვე ამდენივე თამაშია აღარ მოუგიათ - ბოლოს 1-ელ იანვარს გაიმარჯვეს. შედეგად, 44 ქულა აქვთ და ცხრილის მე-11 ადგილამდე დაეშვნენ.

ქართველების გუნდი მომდევნო ტურში, 14 თებერვალს, შეხვდება ერთ-ერთ კონკურენტ პრესტონს, რომელსაც მასზე 3 ქულით მეტი აქვს. 

უოტფორდი პრემიერ ლიგაში ასასვლელი პლეი-ოფისთვის იბრძვის და ახლა აღნიშნულ ზონას 3 ქულით ჩამორჩება.