კარგი ამბავი - კვარამ შესაძლოა მარსელთან ითამაშოს

ხვიჩა კვარაცხელიას სარეაბილიტაციო პროცესი დადებითი დინამიკით მიმდინარეობს და, შესაძლოა, მოედანზე იმაზე მალე ვიხილოთ, ვიდრე დაგეგმილი იყო.

ვიცით, რომ პარასკევს კვარამ ტრავმის შემდეგ პირველად ივარჯიშა, ახლა კი პსჟ-სთან დაახლოებული ადგილობრივი გამოცემები წერენ, რომ არის შანსი, ქართველი შემტევი უკვე მარსელთან მატჩისას გავიდეს მინდორზე.

ეს იმაზეა დამოკიდებული, რა მდგომარეობა ექნება ხვიჩას მატჩისწინა ვარჯიშზე, რის მიხედვითაც, ლუის ენრიკე საბოლოო გადაწყვეტილებას თამაშამდე საათებით ადრე მიიღებს.

ტრადიციული მეტოქეები - პსჟ და მარსელი 8 თებერვალს, თბილისის დროით 23:45 საათიდან, პარიზის პარკ დე პრენსის სახელობის სტადიონზე ითამაშებენ.