VIDEO: გუნდში მე-3 შედეგი - მამუს კარგი მატჩი და გამარჯვება ჩიკაგოსთან

სანდრო მამუკელაშვილის ტორონტო რეპტორსმა ჩიკაგო ბულსს საშინაო მატჩი დამაჯერებლად მოუგო - 123:107.

ქართველი თავის გუნდში შედეგიანობით მე-3 გახლდათ - პარკეტზე გატარებულ 23:18 წუთში 17 ქულა, 5 მოხსნა, 1 ასისტი მიითვალა. 3 ჩაჭრა და 1 ბლოკიც ჰქონდა. მასზე მეტი ქულა ტორონტოელთაგან ბრენდონ ინგრამმა (33 ქულა, 6 მოხსნა, 6 ასისტი) და იმანუელ ქვიქლიმ (24 ქულა, 2 მოხსნა, 5 ასისტი) დააგროვეს.

მამუმ რეგულარულის ბოლო 10-დან 5 შეხვედრაში მინიმუმ 17 ქულის მოგროვება შეძლო - ლეიკერსთან 20; საკრამენტოსთან 22; პორტლენდთან 22; იუტასთან 20 და ჩიკაგოსთან 17.

რეპტორსმა სეზონში 31-ე გამარჯვება იზეიმა, რითაც აღმოსავლეთ კონფერენციის მე-5 ადგილზე აინაცვლა.

9 თებერვლის 00:00 საათზე, სანდროს გუნდი უმასპინძლებს ინდიანა პეისერსს, რომელიც იმავე აღმოსავლეთ კონფერენციის ბოლოადგილოსანია - 13 მოგება და 38 წაგება აქვს.