VIDEO: ჰიუსტონმა დონჩიჩი და ლებრონი ვერ გააჩერა - ლეიკერსის ზედიზედ მე-7 მოგება

NBA-ის რეგულარული სეზონის მატჩში ჰიუსტონ როკეტსი ლოს ანჯელეს ლეიკერსს დაუპირისპირდა და 116-124 დამარცხდა.

გამარჯვებულ გუნდს ლუკა დონჩიჩმა და ლებრონ ჯეიმსმა ულიდერეს, რომლებიც ჰიუსტონის მოთამაშეებმა ვერ გააჩერეს.

სლოვენიელს სამმაგ დუბლამდე ერთი მოხსნა დააკლდა - 40 ქულა, 9 მოხსნა, 10 შედეგიანი გადაცემა. ლებრონმა კი თამაშში 14-დან 13 ბურთი ჩააგდო და ჯამში 30 ქულა დააგროვა.

ლეიკერსმა ზედიზედ მე-7 მატჩი მოიგო და სულ 69 შეხვედრაში მოპოვებული 44 გამარჯვებით დასავლეთ კონფერენციაში მე-3 ადგილზე იმყოფება.

ლუკა დონჩიჩის მონაგარი ამ ბოლო 7 თამაშში ასეთია: 38.1 ქულა, 9.1 მოხსნა, 8.0 შედეგიანი გადაცემა.