VIDEO: იამალის გაფუჭებული პენალტი, ჟირონას ქამბექი და საკამათო გოლი
3 სთ წინ · 0 წთ წასაკითხად
-
Aa
+
ფონტის ზომა
ესპანეთის ლა ლიგის 24-ე ტურში კატალონიური დერბი გაიმართა, რომელშიც ჟირონამ საკუთარ მოედანზე ბარსელონა მიიღო.
შეხვედრის პირველი ნახევარი უგოლოდ დასრულდა. ტაიმის ბოლოს ლამინ იამალს გოლის გატანა შეეძლო, თუმცა ახალგაზრდა ესპანელმა პენალტი ვერ გამოიყენა და ბურთი ძელს გაარტყა.
მეორე ტაიმში ბარსელონამ ანგარიში მაინც გახსნა. 59-ე წუთზე ჟულ კუნდეს საჯარიმოში ჩაწოდების შედმეგ თავური დარტყმით ანგარიში პაუ კუბარსიმ გახსნა.
თუმცა ბლაუგრანამ უპირატესობის შენარჩუნება დიდხანს ვერ შეძლო და 61-ე წუთზე ანგარიში ტომა ლემარმა გაათანაბრა, რომელმაც ვანატის გამჭოლი პასის შემდეგ ბურთი ცარიელ კარში შეაგორა.
86-ე წუთზე ხოელ როკას პასის შემდეგ ფრანსისკო ბელტრანმა გადამწყვეტი გოლი გაიტანა და ჟირონას ბარსელონასთან 3 ქულა მოუტანა.
გოლამდე რამდენიმე წამით ადრე საკამათო ეპიზოდი დაფიქსირდა, როცა ორთაბრძოლაში კუნდე წაიქცა და ფლიკის შეგირდები ჯარიმის დადებას ითხოვდნენ, თუმცა მსაჯმა გადაწყვიტა, რომ ამ მომენტში თამაშის წესების დარღვევა არ ყოფილა.
ჟირონას ამ მოგებით 29 ქულა დაუგროვდა და სატურნირო ცხრილში მე-12 ადგილზე იმყოფება, გასავარდნ ზონასთან უპირატესობა უკვე 5 ქულაა. ბარსელონა კი ამ ტურის შემდეგ ლა ლიგის ლიდერობას ოფიციალურად კარგავს და ლიდერ რეალთან ორქულიან ჩამორჩენაშია.
