„ეს სიცხვილია, კატასტროფა" — ჰანსი ფლიკი ატლეტიკოსთან მატჩში მსაჯობას აკრიტიკებს

ჰანსი ფლიკმა პაუ კუბარსის გაუქმებულ გოლს სირცხვილი უწოდა.

ბარსელონას მთავარმა მწვრთნელმა, ესპანეთის თასის პირველ ნახევარფინალში ატლეტიკოსთან განცდილი მარცხის (0:4) შემდეგ, მთავარი არბიტრი ხუან მარტინეს მუნუერა მკაცრად გააკრიტიკა.

სკანდალი ესპანეთის თასზე — ბარსელონა მსაჯის წინააღმდეგ საჩივარს ამზადებს

„რა შეიძლება ითქვას? პირველ რიგში, ჯულიანო სიმეონეს ალეხანდრო ბალდეზე პირველივე ფოლისთვის უნდა მიეღო ყვითელი ბარათი, რასაც შეეძლო მთელი თამაში შეეცვალა. მოგვიანებით კი მეორე ყვითელიც უნდა ყოფილიყო.

რაც შეეხება პაუ კუბარსის გაუქმებულ გოლს — რამდენ ხანს ველოდით გადაწყვეტილებას? შვიდი წუთი? ჩემი აზრით, იქ ოფსაიდი არ იყო. მე სიტუაციას სხვანაირად ვხედავ.

როდესაც გოლი გააუქმეს, ჩვენთვის არაფერი უთქვამთ. არანაირი კომუნიკაცია. არ მესმის, რატომ ჩაითვალა ეს თამაშგარე მდგომარეობად. ეს სირცხვილია. ეს სირცხვილია. კატასტროფა.“, – განაცხადა ჰანსი ფლიკმა.