დეკუ: „ჩავის შემდეგ ზუსტად ვიცოდით, როგორი მწვრთნელი გვჭირდებოდა"

ბარსელონას სპორტულმა დირექტორმა, დეკუმ 2024 წელს გუნდის მთავარ მწვრთნელად ჰანსი ფლიკის დანიშვნის გადაწყვეტილებაზე ისაუბრა.

„ჩავის შემდეგ მივხვდით, რომ გვჭირდებოდა მწვრთნელი, რომელიც გასახდელში სიმშვიდეს მოიტანდა, განსაკუთრებით გუნდის ასაკის გათვალისწინებით.

ჩვენ ყოველთვის ძალიან სპეციფიკური გასახდელი გვქონდა. ახლა ის უფრო დაბალანსებული ხდება. კვლავ გვყავს ძალიან ახალგაზრდა მოთამაშეები, სხვები ფორმის პიკში არიან, ასევე გვყავს უფრო გამოცდილი ფეხბურთელები, როგორიცაა რაფინია, ფრენკი დე იონგი და ჟულ კუნდე.

გვყავს რობერტ ლევანდოვსკიც და, მაგალითად, მარკ-ანდრე ტერ შტეგენი, რომელიც ახლა იჯარითაა წასული, მაგრამ ის ერთ-ერთი კაპიტანია.

ასეთი გასახდელის მართვა ძალიან მნიშვნელოვანია. წარმატების გასაღები იყო გამოცდილი მწვრთნელი, რომელსაც დიდი კლუბების გასახდელებში მუშაობის დიდი გამოცდილება ჰქონდა.

ფლიკი გერმანიის ნაკრებში, გამარჯვებულ გუნდში, მთავარი მწვრთნელის ასისტენტად მუშაობდა და მრავალწლიანი სამწვრთნელო გამოცდილება აქვს. სწორედ ეს იყო მთავარი იდეა“, – განაცხადა დეკუმ.