VIDEO: 4 უპასუხო გოლი და უზარმაზარი ნაბიჯი ფინალისკენ — ბარსელონა მადრიდში განადგურდა
5 სთ წინ · 0 წთ წასაკითხად
-
Aa
+
ფონტის ზომა
ესპანეთის სამეფო თასის 1/2 ფინალის პირველ მატჩში მადრიდის ატლეტიკომ საკუთარ მოედანზე ბარსელონა გაანადგურა.
შეხვედრა სტადიონ მეტროპოლიტანოზე გაიმართა და „როხიბლანკოს" გამარჯვებით 4:0 დასრულდა.
ოთხივე გოლი სიმეონეს გუნდმა პირველ ტაიმში გაიტანა — ანგარიში ერიკ გარსიას კურიოზული ავტოგოლით გაიხსნა, თუმცა ატლეტიკო ამით არ დაკმაყოფილდა და პირველ ტაიმში ბლაუგრანას კიდევ 3 გოლი გაუტანა, თავი გრიზმანმა, ლუკმანმა და ხულიან ალვარესმა გამოიჩინეს.
პირველი ტაიმი დიეგო სიმეონეს გუნდის სრული კარნახით წარიმართა, მადრიდელებს გატანილი 4-ს გარდა კიდევ რამდენიმე გოლის გატანა შეეძლოთ, თუმცა ჟოან გარსიამ შეძლო ფლიკის გუნდის გადარჩენა. ბარსამ კი ერთადერთი, რითაც პირველ ტაიმში უპასუხა — ფერმინის ხარიხა იყო.
შესვენების შემდეგ, ბარსელონამ სწრაფი გოლის გატანა შეძლო, თუმცა გოლი 8-წუთიანი განხილვის შემდეგ მიზერული თამაშგარის გამო გაუქმდა.
მატჩის მიწურულს ბლაუგრანა 10 კაცითაც დარჩა, როცა ბოლო იმედის ჯარიმისთვის მოედნიდან ავტოგოლის ავტორი ერიკ გარსია გააძევეს.
„როხიბლანკომ" 4-ბურთიანი უპირატესობა ამის შემდეგ უკვე უპრობლემოდ შეინარჩუნა და ის კი არა, მეხუთეს გატანაც შეეძლო.
საბოლოოდ, პირველი მატჩის შემდეგ მადრიდელებმა სოლიდური უპირატესობა მოიპოვეს და თასის ფინალისკენ უზარმაზარი ნაბიჯიც გადადგეს. საპასუხო მატჩი კამპ ნოუზე, 3 მარტს გაიმართება.
