„ბარსას ადრეც ჰქონია რემონტადები“ — აგუერო იამალის ფაქტორსა და ქამბექის შანსებზე

სერხიო აგუერო მიიჩნევს, რომ ბარსელონას შეუძლია სიტუაციის შემობრუნება და ესპანეთის თასის ფინალში გასვლა, მიუხედავად ატლეტიკოსთან პირველ ნახევარფინალში განცდილი მარცხისა (0:4).

ორივე კლუბის ყოფილმა ფორვარდმა თავისი მოსაზრებები ასე ჩამოაყალიბა:

— „რემონტადა“ შესაძლებელია?

„ფრთხილად იყავით! ვნახოთ, ბარსას ადრეც ჰქონია „რემონტადები“, ყველაფერი შესაძლებელია. თუ ლამინი „აინთება“ — ყველაფერი რიგზე იქნება. გულწრფელად გეტყვით, გულის პრობლემების შემდეგ ფეხბურთს თითქმის აღარ ვუყურებდი, მაგრამ როდესაც ლამინმა ბარსაში თამაში დაიწყო, თანაც ასე კარგად, ფეხბურთის ყურების სურვილი დამიბრუნდა.

— ეს სერიოზული განცხადებაა.

„ეს ნიშნავს, რომ რასაც ლამინი აკეთებს... ხალხს სურს ნახოს, რას მოიმოქმედებს ის, რადგან იციან: ის აუცილებლად რაღაცას მოიფიქრებს.

— ახლა უფრო ბარსას ფანი ხარ, თუ ატლეტიკოსი?

„ლამინი ძალიან მომწონს და სიმართლე ისაა, რომ ბარსას ძლიერად მივეჯაჭვე.