NBA-ის რეგულარული სეზონის მატჩში ლოს ანჯელეს კლიპერსი დენვერ ნაგეტსს დაუპირისპირდა და 116-130 დამარცხდა.
გამარჯვებულ გუნდს ტრადიციულად ნიკოლა იოკიჩმა ულიდერა, რომელმაც 33 წუთში 55 ქულა და 12 მოხსნა მიითვალა.
სერბმა კალათბურთელმა 23-დან 18 ბურთი ჩააგდო, 17-დან 13 ორქულიანი და 6-დან 5 სამქულიანი, მისი 16 საჯარიმოდან კი 14 ზუსტი იყო.
იოკიჩი გახდა NBA-ის ისტორიაში მე-4 მოთამაშე, რომელმაც 55 ქულა მინიმუმ 78%-იანი სიზუსტით ჩააგდო.
აღსანიშნავია, რომ მხოლოდ ნიკოლას კლიპერსის სასტარტო ხუთეულზე მეტი ქულა ჰქონდა - 55:54.
დენვერი 11 მატჩში 9 მოგებით დასავლეთ კონფერენციაში მე-2 ადგილზეა, კლიპერსს კი მხოლოდ 3 გამარჯვება აქვს და მე-12 პოზიციაზეა.
