VIDEO: კანადელთა რევანში აშშ-ის წინააღმდეგ - "ჩვენს თამაშს ვერ წაგვართმევთ"
21 თებ, 2025 · 0 წთ წასაკითხად
ლინკის დაკოპირება
-
Aa
+
ფონტის ზომა
ჰოკეიში 2025 წლის 4 Nations Face-Off ტურნირი დასრულდა. აღნიშნული გათამაშება NHL-ის ორგანიზებით გაიმართა, რომელმაც დროებით წლიური ყველა ვარსკვლავის მატჩი ჩაანაცვლა.
ტურნირში მონაწილეობა ოთხმა გუნდმა მიიღო - კანადა, ფინეთი, შვედეთი და აშშ.
ფინალი კი კანადასა და აშშ-ს შორის შედგა. რამდენიმე დღის წინ გუნდები უკვე შეხვდნენ ერთმანეთს, სადაც ამერიკელებმა 3-1 იმარჯვეს, ახლა კი კანადელებს რევანშის შანსი მიეცათ, საბოლოოდ ასეც მოხდა, ფინალში კანადამ 3-2 მოიგო და ჩემპიონიც გახდა.
გამარჯვებულის გამოსავლენად ოვერტაიმი გახდა საჭირო. კანადელთა მხრიდან თავი ნათან მაკინონმა, სემ ბენეტმა და კონორ მაკდევიდმა გამოიჩინეს, ამერიკელთა მხრიდან კი - ბრედი ტკაჩუკმა და ჯეიკ სანდერსონმა.
მატჩს ფონად ახლდა აშშ-სა და კანადას შორის პოლიტიკური ურთიერთობის დაძაბვაც, რამაც ეს შეხვედრა უფრო ხმაურიანი გახადა. მიზეზი აშშ-ს ახლადარჩეული პრეზიდენტის დონალდ ტრამპისა და მისი გარემოცვის განცხადებებია კანადის 51-ე შტატობაზე.
ფინალში გამარჯვების შემდეგ კანადის პრემიერ მინისტრმა, ჯასტინ ტრუდომ სოციალურ ქსელში დაწერა: "ჩვენს ქვეყანას ვერ წაგვართმევთ, ჩვენს თამაშს ვერ წაგვართმევთ."
