VIDEO: კვერნაძის მორიგი ასისტი - ფროზინონემ უშუალო კონკურენტთან წააგო
2 სთ წინ · 0 წთ წასაკითხად
-
Aa
+
ფონტის ზომა
გიორგი კვერნაძემ სერია B-ს მიმდინარე სეზონში მე-6 საგოლე მოქმედება შეასრულა. მისი ფროზინონე შინ ვენეციასთან 1:2 დამარცხდა.
ფროზინონე და ვენეცია უშუალო კონკურენტები არიან, ორივე მათგანი უმაღლეს ლიგაში დაწინაურებისთვის იბრძვის - თამაშამდე გუნდებს შორის სხვაობა 1 ქულა იყო.
პირველი ტაიმის ბოლოს, კვერნაძემ საგოლე გადაცემა გააკეთა, რომლის შემდეგ ანგარიში ანტონიო რაიმონდომ გახსნა, თუმცა მეორე ნახევარში ვენეციელებმა 2 გოლი შეაგდეს, უმნიშვნელოვანესი 3 ქულა აიღეს და სატურნირო ცხრილს 4-ქულიანი უპირატესობით ჩაუდგნენ სათავეში.
კვერნაძისთვის წლევანდელ გათამაშებაში მე-6 საგოლე მოქმედებაა - 3 გოლი და 3 ასისტი. ბოლო 4-დან 3 ტურში აქვს საგოლე მოქმედება - 1 გოლი და 2 ასისტი.
23 ტურის შემდეგ, ფროზინონეს 46 ქულა აქვს, მე-2 ადგილზე იმყოფება და იმავე ვენეციას 4 ქულით ჩამორჩება. თუმცა, თუკი დღეს მონცა თავის მატჩს მოიგებს, ლაციოელებს 1 ქულით გადაასწრებს და მე-2 ადგილზე თავად აინაცვლებს.
