VIDEO: კვლავ MVP გახდა - შერმადინის გუნდი აუტსაიდერთან დამარცხდა
3 სთ წინ · 0 წთ წასაკითხად
-
Aa
+
ფონტის ზომა
გიორგი შერმადინმა, ესპანეთის ლიგა ენდესას ეგიდით, მორიგი სოლიდური მატჩი ჩაატარა და MVP გახდა.
მისი ლაგუნა ტენერიფე, რომელიც ჩემპიონთა ლიგის 1/2 ფინალური მატჩისთვის ემზადება, ლიგის ერთ-ერთ აუტსაიდერ ანდორასთან საკუთარ დარბაზში დამარცხდა - 89:90.
შერმომ ყოფილი გუნდის წინააღმდეგ 29:35 წუთი ითამაშა - 16 ქულა, 6 მოხსნა, 2 ასისტი. მისმა ეფექტიანობის ინდექსმა 26 შეადგინა, რაც ორივე გუნდში საუკეთესო მაჩვენებელი გახლდათ. ანდორას ლეგიონერ კაილ კურიჩს 25 ჰქონდა.
ტენერიფე ბოლო 5 ტურში მესამედ დამარცხდა, კვლავ 17 მოგება აქვს და ცხრილის მე-6 პოზიციაზეა. შემდეგ ტურში, 9 მაისს, მე-7 ადგილოსან ხუვენტუდ ბადალონას მასპინძლობს.
ამ მატჩამდე კი, 7 მაისის 20:00 საათზე, ჩემპიონთა ლიგის 1/2 ფინალია, რომელშიც კანარიელთა მეტოქე ლიეტუვური რიტასია.
