VIDEO: ლონდონურ დერბიში ჩელსიმ ვესტ ჰემი გაანადგურა

ინგლისის პრემიერ ლიგის მეორე ტურში ლონდონური დერბი გაიმართა.

ვესტ ჰემმა საკუთარ მოედანზე ჩელსი მიიღო და 1-5 დამარცხდა.

ანგარიში მე-6 წუთზე მასპინძლებმა გახსნეს. ლუკას პაკეტამ შორეული გასროლით თავისი გუნდი დააწინაურა.

ენცო მარესკას გუნდმა თამაშის შემოტრიალება პირველივე ტაიმში შეძლო. მე-15 წუთზე ანგარიში ჟოაო პედრომ გაათანაბრა, 23-ე წუთზე პედრუ ნეტუმ გაიყვანა წინ გუნდი, 34-ე წუთზე კი ენცო ფერნანდესმა გახადა ანგარიში 1-3.

მეორე ტაიმში ჩელსიმ კიდევ 2 გოლის გატანა მოახერხა. 54-ე წუთზე მოიზეს კაისედომ გამოიჩინა თავი, 58-ე წუთზე კი ტრევო ჩალობამ დააფიქსირა საბოლოო ანგარიში (1-5).

ჩელსიმ პირველ ტურში კრისტალ პალასთან უგოლოდ დასრულებული მატჩის შემდეგ 5 გოლის გატანა შეძლო და 4 ქულა აქვს.

6' პაკეტა 1-0

15' ჟოაო პედრო 1-1

23' ნეტუ 1-2

34' ენცო 1-3

54' კაისედო 1-4

58' ჩალობა 1-5