VIDEO: ლორთქიფანიძემ ერთ-ერთ ლიდერთან ცვლილებაზე გაიბრწყინა
1 სთ წინ · 0 წთ წასაკითხად
-
Aa
+
ფონტის ზომა
დაჩი ლორთქიფანიძემ იტალიის სერია B-ში კარიერაში პირველი საგოლე მოქმედება შეასრულა.
საქართველოს 21-წლამდელთა ნაკრებისა და კრემონეზეს ნახევარმცველმა ჩემპიონატის ერთ-ერთ ლიდერ მანტოვასთან გასვლით შეხვედრაში საგოლე პასი გააკეთა.
ქართველი ფეხბურთელი მოედანზე 74-ე წუთზე შევიდა, მე-80 წუთზე კი მარკო ნასტის გაატანინა, რითაც საბოლოო ანგარიში დაფიქსირდა - კრემონელებმა ტურამდე მეორეადგილოსან გუნდთან სტუმრად 2:0 მოიგეს.
კრემონეზემ მიმდინარე სერია B-ში მეორე გამარჯვება იზეიმა, 9 ქულა მოაგროვა და გასავარდნი ზონიდან მე-14 ადგილამდე აინაცვლა.
დაჩი ლორთქიფანიძე კრემონეზეს აკადემიის აღზრდილია და 19-წლამდელთა გუნდის კაპიტანიც იყო. გასულ შემოდგომაზე დებიუტი სერია A-შიც ჰქონდა, ზამთრიდან კი სერია B-ში თამაშობს.
