VIDEO: მალენისა და დიბალას შოუ - გოლებისა და ასისტების ჰეთ-თრიქი

იტალიის სერია ა-ს ახალი სეზონის პირველი ტურის დასკვნით მატჩში რომამ სტადიო ოლიმპიკოზე ფიორენტინა მიიღო.

რომაელებმა ფლორენციელები 4-0 გაანადგურეს, მატჩის გმირები კი დონიელ მალენი და პაულო დიბალა გახდნენ.

27-ე, 52-ე და მე-60 წუთებზე გატანილი გოლებით ნიდერლანდელმა თავდამსხმელმა ჰეთ-თრიქი შეასრულა, სამივე შემთხვევაში კი საგოლე პასის ავტორი არგენტინელი შემტევი გახდა.

86-ე წუთზე მატჩს საბოლოო წერტილი შეცვლაზე შემოსულმა ნიკოლო პისილიმ დაუსვა და რომამ შთამბეჭდავი გამარჯვება მოიპოვა.

27 წლის დონიელ მალენი რომას გასულ ზამთარში ასტონ ვილადან შეუერთდა და სერია ა-ს 18 მატჩში 14 გოლის გატანა შეძლო, ბომბარდირ ლაუტარო მარტინესამდე კი 3 გოლი დააკლდა.

32 წლის პაულო დიბალამ კი გასული სეზონი ისე დაამთავრა, რომ ჯერ კიდევ არ იცოდა დარჩებოდა თუ არა რომაში და გაახანგრძლივებდა თუ არა კლუბთან კონტრაქტს, საბოლოოდ კი არგენტინელმა ახალი ხელშეკრულება გააფორმა და მორიგი სეზონი რომაში დაიწყო.

რომა მე-2 ტურში ლეჩეს ესტუმრება, ფიორენტინა კი საკუთარ მოედანზე გიორგი კვერნაძის ფროზინონეს მიიღებს.