VIDEO: მამარდას 4 გაშვებული გოლი და მარცხი ვილა პარკზე

პრემიერ ლიგის ბოლოსწინა, 37-ე ტურში ლივერპული სტუმრად ასტონ ვილასთან 2:4 დამარცხდა.

მერსისაიდელთა რიგებში დუბლით კაპიტანი ვირჯილ ვან დაიკი გამოირჩა, თუმცა ეს ქულების გადასარჩენად საკმარისი არ აღმოჩნდა. მასპინძლებმა გიორგი მამარდაშვილს 4 გოლი გაუტანეს და ჩემპიონთა ლიგის საგზურიც გაინაღდეს.

გამომდინარე იქიდან, რომ ინგლისიდან ლიგაზე 5 გუნდი გადის და ლივერპული ამ მომენტისთვის 59 ქულით მე-5 ადგილს იკავებს, სლოტის გუნდი ტურნირზე მოხვედრის კარგ შანსს ინარჩუნებს, თუმცა ამისათვის ბოლო ტურში შინ ბრენტფორდი უნდა დაამარცხოს, რომელიც, თავის მხრივ, თავადაც ევროტურნირების საგზურისთვის იბრძვის.

წინააღმდეგ შემთხვევაში, ბორნმუთმა (55 ქულა), რომელსაც ორი მატჩი აქვს დარჩენილი, შესაძლოა ლივერპულს გადაუსწროს კიდეც.

1-0 როჯერსი 42'

1-1 ვან დაიკი 52'

2-1 უოტკინსი 57'

3-1 უოტკინსი 73'

4-1 მაკგინი 89'

4-2 ვან დაიკი 90+2'