VIDEO: მანჩესტერ სიტის მოუგებელი სერია პრემიერ ლიგაში გრძელდება
5 სთ წინ · 0 წთ წასაკითხად
-
Aa
+
ფონტის ზომა
ინგლისის პრემიერ ლიგის მე-11 ტურში მანჩესტერ სიტიმ ეტიჰადზე ფულემი მიიღო.
შეხვედრაში ანგარიში სტუმრებმა გახსნეს. მე-16 წუთზე ლონდონელები წინ როდრიგო მუნისმა გაიყვანა.
25-ე წუთზე მასპინძლებს ანგარიშის გათანაბრება შეეძლოთ, თუმცა ერლინგ ჰალანდის გოლი VAR-ის გადამოწმების შემდეგ არ ჩაითვალა და სტუმრებმა პირველი ტაიმი მოიგეს.
57-ე წუთზე ელიოტ ანდერსონმა ანგარიშის გათანაბრება შეძლო, თუმცა შეხვედრის დარჩენილ ნაწილში მასპინძლებმა წინ გასვლა ვერ შეძლეს და ქულები პრემიერ ლიგის ზედიზედ მე-4 მატჩში დაკარგეს.
ენცო მარესკას გუნდმა წინა 3 შეხვედრა წააგო, ახლა კი ფრედ ითამაშა, შესაბამისად ბოლო 4 ტურში შესაძლო 12 ქულიდან სიტიმ მხოლოდ 1 ქულა მოიპოვა.
ჯამში მანჩესტერელებს 22 ქულა აქვთ და ცხრილში მე-3 ადგილზე იმყოფებიან, ლიდერ არსენალთან ჩამორჩენა კი 5 ქულაა, რომელიც ამ ტურში ნიუკასლს ესტუმრება. მე-2 ადგილზე ასევე 22 ქულით ბრაიტონია, რომელიც სტუმრად ჰალს დაუპირისპირდება.