მილანის ყოფილმა სპორტულმა დირექტორმა იგლი ტარემ გაამხილა, რომ იტალიური კლუბი ლივერპულის მცველის, ჯო გომესის შეძენასთან ძალიან ახლოს იყო, თუმცა ტრანსფერი ბოლო მომენტში ჩაიშალა.
ტარეს განცხადებით, მილანსა და ლივერპულს შორის შეთანხმება უკვე მიღწეული იყო, მაგრამ ყველაფერი მარკ გეჰის ჩაშლილმა ტრანსფერმა შეცვალა.
„ცოტათი არ გაგვიმართლა. თავდაპირველად მანუელ აკანჯი ინტერში გადავიდა, რადგან ჩვენ ჩემპიონთა ლიგაზე არ ვმონაწილეობდით.
ამის შემდეგ ლივერპულთან ჯო გომესის ტრანსფერზე შეთანხმებას მივაღწიეთ.
თუმცა ბოლო მომენტში კრისტალ პალასიდან ლივერპულში მარკ გეჰის გადასვლა ჩაიშალა, რის გამოც ინგლისურმა კლუბმა ჩვენთან შეთანხმებაზეც უარი თქვა.
მხოლოდ გეჰის ტრანსფერის დასრულებას ველოდებოდით, რათა დოკუმენტებისთვის ხელი მოგვეწერა.
იმისთვის, რომ ცენტრალური მცველების გარეშე არ დავრჩენილიყავით, ბოლო მომენტში დავიდ ოდოგუ შევიძინეთ, როგორც პერსპექტიული ფეხბურთელი“, - განაცხადა ტარემ.
შეგახსენებთ, რომ მარკ გეჰის ლივერპულში ტრანსფერი 2025 წლის ზაფხულის სატრანსფერო ფანჯრის ბოლო დღეს ჩაიშალა. მოგვიანებით, ზამთარში, ინგლისელი მცველი მანჩესტერ სიტიში გადავიდა.
