VIDEO: მარცხი საფრანგეთთან - ფუტსალის ნაკრებმა ევრო 2026-ზე გამოსვლა დაასრულა

საქართველოს ფუტსალის ნაკრებმა ევრო 2026-ზე გამოსვლა ჯგუფურ ეტაპზე დაასრულა.

ავთანდილ ასათიანის გუნდმა ბოლო, მე-3 ტურში საფრანგეთის ნაკრების წინააღმდეგ ითამაშა, 1:3 დამარცხდა და შემდეგ ეტაპზე გასვლის შანსი დაკარგა.

ფრანგებმა პირველი ტაიმი 2:0 მოიგეს, ჩვენებმა მეორე ნახევარში სხვაობა შეამცირეს, თუმცა მალევე მე-3 ბურთი გაუშვეს, რითაც გამარჯვებულის ბედი საბოლოოდ გაირკვა. 

შედეგად, ქართველებმა ჯგუფური ეტაპი 3 ტურში აღებული 1 ქულით დაასრულეს - ხორვატიასთან (2:2) ქულა მოიპოვეს, საფრანგეთთან (1:3) და ლატვიასთან (0:4) კი დამარცხდნენ.

საქართველოს ფუტსალის ეროვნულმა გუნდმა ევროპის ჩემპიონატზე ისტორიაში მეორედ იასპარეზა - 2022 წლის გათამაშებაზე 1/4 ფინალში გავიდნენ და ევროპის 8 საუკეთესო ნაკრებში მოხვდნენ.