VIDEO: მბაპეს ბრწყინვალე გოლი - საფრანგეთმა აზერბაიჯანი დაამარცხა
10 ოქტ, 2025 · 0 წთ წასაკითხად
-
Aa
+
ფონტის ზომა
2026 წლის მსოფლიო ჩემპიონატის საკვალიფიკაციო ეტაპზე საფრანგეთის ნაკრებმა პარიზში აზერბაიჯანი მიიღო.
შეხვედრაში ანგარიში პირველი ტაიმის ბოლოს კილიან მბაპემ ბრწყინვალე გოლით გახსნა და მასპინძლებს ტაიმი მოაგებინა.
აღსანიშნავია, რომ ფრანგმა სუპერვასკვლავმა კლუბსა და ნაკრებში ზედიზედ მე-10 მატჩში გაიტანა გოლი, ეროვნულ გუნდში კი 53 გოლი დაუგროვდა.
69-ე წუთზე ადრიენ რაბიომ სხვაობა ორამდე გაზარდა, ამჯერად მბაპემ საგოლე პასი მიითვალა. 84-ე წუთზე კი საბოლოო ანგარიში (3-0) ფლორიან ტოვინმა დააფიქსირა.
ტოვინმა გოლი მოედანზე შემოსვლიდან ერთ წუთში გაიტანა. მან ტრავმირებული მბაპე შეცვალა.
საფრანგეთს ჯგუფში ჩატარებული 3 მატჩის შემდეგ 9 ქულა აქვს და დამაჯერებლად ლიდერობს. მომდევნო შეხვედრას დეშამის გუნდი 13 ოქტომბერს ისლანდიასთან გამართავს.
