VIDEO: მე-12 გოლი ლიგა 2-ში - დავითაშვილის გოლი და საგოლე პასი

საფრანგეთის ლიგა 2-ის 28-ე ტურში სენტ-ეტიენმა საკუთარ მოედანზე ანესი მიიღო და 4-0 გაანადგურა.

შეხვედრაში ანგარიში მე-18 წუთზე გაიხსნა. მარჯვენა ფლანგიდან ზურიკო დავითაშვილის საჯარიმოში ჩაწოდების შემდეგ, თავური დარტყმით ანგარიში 1-0 კევინ პედრომ გახადა.

23-ე წუთზე ირვინი კარდონამ, ხოლო 33-ე წუთზე ლუკას სტასინმაც გაიტანეს გოლები და სენტ-ეტიენმა პირველი ტაიმი 3-0 მოიგო.

63-ე წუთზე თავი ზურიკო დავითაშვილმაც გამოიჩინა, რომელმაც მარცხენა ფეხით აიღო მეტოქის კარი და მატჩის საბოლოო ანგარიში 4-0 დააფიქსირა. ქართველმა შემტევმა გოლი ილია მეორეს ხსოვნას მიუძღვნა.

ამ მოგებით სენტ-ეტიენმა 53 ქულა დააგროვა და ლიგა 2-ში მე-2 ადგილზეა, ლიდერ ტრუასთან სხვაობა 4 ქულაა.

ლიგა 2-ის მიმდინარე სეზონში ზურიკო დავითაშვილის ანგარიშზე 12 გოლი და 4 საგოლე გადაცემაა და ბომბარდირ ტავფიკ ბენტაიებს 3 გოლით ჩამორჩება.

18' დავითაშვილის ასისტი 1-0

63' დავითაშვილის გოლი 4-0