VIDEO: მინიმალური გამარჯვება კამპ ნოუზე — ბარსელონამ რაიო დაამარცხა

ლა ლიგის 29-ე ტურში ბარსელონამ რაიო ვალეკანო დაამარცხა.

შეხვედრა კამპ ნოუზე გაიმართა და მასპინძელთა გამარჯვებით 1:0 დასრულდა.

მატჩის ერთადერთი გოლი 24-ე წუთზე ჟოაო კანსელოს მიერ მოწოდებული კუთხურიდან რონალდ არაუხომ გაიტანა. რაიო რამდენჯერმე გამათანაბრებელ გოლთან ახლოს იყო, თუმცა ჟოან გარსიამ კარის მშრალად შენახვა მოახერხა და ბარსას მორიგი 3 ქულა მოუტანა.

ბარსელონამ 73 ქულა დააგროვა და უახლოეს მდევარ მადრიდის რეალს, რომელიც თავის მატჩს დღეს მოგვიანებით ატლეტიკოს წინააღმდეგ გამართავს, 7 ქულით გაასწრო.