VIDEO: მნიშვნელოვანი 3 ქულა - ჩელსიმ ჩემპიონ ლივერპულს მოუგო

ინგლისის პრემიერ ლიგის 35-ე ტურში ლონდონის ჩელსიმ სტემფორდ ბრიჯზე ჩემპიონი ლივერპული მიიღო და 3-1 დაამარცხა.

მატჩში ანგარიში სწრაფი გოლით, მე-3 წუთზე ენცო ფერნანდესმა გახსნა, პირველი ტაიმი ჩელსიმ 1-0 მოიგო.

56-ე წუთზე ლივერპულმა კურიოზული ავტო-გოლი გაუშვა, ვირჯილ ვან დაიკმა მოგერიებისას ბურთი ჯარელ ქუანსას გაარტყა და ისე გავიდა კარში.

85-ე წუთზე მერსისაიდელთა ნიდერლანდელმა კაპიტანმა ერთი ბურთი გაქვითა და სხვაობა შეამცირა, თუმცა მატჩის კომპენსირებულ დროში კოულ პალმერმა პენალტი გაიტანა და მატჩის საბოლოო ანგარიში 3-1 დააფიქსირა.

ჩელსისთვის ეს მნიშვნელოვანი 3 ქულაა - ლონდონელები 63 ქულით მე-5 ადგილზე არიან, რაც ჩემპიონთა ლიგის ზონაა, თუმცა ნოტინგემს, რომელსაც 60 ქულა აქვს, თავისი მატჩი კრისტალ პალასთან ჩასატარებელი აქვს.

3' ენცო 1-0

56' ქუანსა (ავტო-გოლი) 2-0

85' ვან დაიკი 2-1

90+6' პალმერი 3-1