VIDEO: მორიგი გამარჯვება - გიორბელიძის გუნდი სუპერ ლიგასთან ერთ ნაბიჯშია
2 სთ წინ · 0 წთ წასაკითხად
-
Aa
+
ფონტის ზომა
გურამ გიორბელიძის ერზურუმსპორი თურქეთის სუპერ ლიგაში დაწინაურებას კიდევ უფრო მიუახლოვდა.
პირველი ლიგის 34-ე ტურში, ერზურუმელებმა სტუმრად მე-14 ადგილოსან ისტანბულსპორს, მარტვილის მერანისა და იბერია 1999-ის ყოფილ ფორვარდ შეიკნე სილას გოლით, 1:0 მოუგეს და ლიდერობა გაიმყარეს.
ქართველმა მარცხენა მცველმა, ტრადიციულად, ძირითად შემადგენლობაში ითამაშა და მოედანზე 90 წუთი გაატარა. 34-დან 32 ტურში სასტარტოდან აქვს ნათამაშები. Flashscore-ისგან 7.6 შეფასება მიიღო, ხოლო Sofascore-მა 6.8 დაუწერა.
ჩემპიონატის დასრულებამდე 4 ტურით ადრე, ერზურუმსპორს 75 ქულა აქვს და მე-2 ადგილოსან ამედსპორს - 4-ით, ხოლო მე-3 ადგილოსან ეროკსპორს 8 ქულით უსწრებს. ეს ნიშნავს, რომ გიორბელიძის გუნდმა სუპერ ლიგის საგზური, შესაძლოა, უკვე მომდევნო ტურში გაინაღდოს - თუ ეროკსპორი ვერ მოიგებს და თავად 3 ქულას აიღებს.
ცნობისთვის, უმაღლეს დივიზიონში საუკეთესო 2 გუნდი პირდაპირ გადადის, მე-3 ადგილოსანი კი ამის გაკეთებას პლეი-ოფის მეშვეობით შეეცდება.
ერზურუმელები 13 აპრილს, მე-14 ადგილოსან ბოლუსპორს ხვდებიან, რომელთანაც პირველ წრეში სტუმრად 0:2 წააგეს - სულ 34 ტურში 3 მარცხი აქვთ, 9 ფრესა და 22 მოგებასთან ერთად.
