VIDEO: ნიკოლა იოკიჩის ზედიზედ მესამე სამმაგი დუბლი

NBA-ის რეგულარული სეზონის მატჩში მინესოტა ტიმბერვულვზი დენვერ ნაგეტსს დაუპირისპირდა და 114-127 დამარცხდა.

გამარჯვებულ გუნდს ქულებში ჯამალ მარიმ ულიდერა, რომელმაც 43 ქულა მიითვალა.

კვლავ გამორჩეული იყო ნიკოლა იოკიჩი, რომელმაც სეზონის ზედიზედ 3 სამმაგი დუბლით გახსნა. მისი მონაგარი 25 ქულა, 19 მოხსნა და 10 შედეგიანი გადაცემა იყო.

სერბმა 10-დან 9 ორქულიანი და 7-დან 7 საჯარიმო ჩააგდო. ის გახდა უილტ ჩემბერლენის შემდეგ პირველი მოთამაშე, რომელმაც 25+ ქულა, 15+ მოხსნა, 10+ ასისტი სროლის 90%-იანი სიზუსტით მიითვალა.

ასევე იოკიჩი არის ისტორიაში მე-3 კალათბურთელი, რომელმაც NBA-ს სეზონი ზედიზედ 3 სამმაგი დუბლით გახსნა - ოსკარ რობერტსონი (1960-61), რასეულ უესტბრუკი (2020-21).