VIDEO: პედრის ულამაზესი გოლი და ბარსელონას ქამბექი ლევანტესთან

ესპანეთის ლა ლიგის მე-2 ტურში ბარსელონა ლევანტეს ესტუმრა.

პირველ ტაიმში მასპინძლებმა ორი გოლით დაწინაურება მოახერხეს. მე-15 წუთზე ანგარიში ივან რომერომ გახსნა, ტაიმის ბოლოს კი ხოსე მორალესმა პენალტი გაიტანა.

მეორე ტაიმში ბარსელონამ თამაშის შემოტრიალება დაიწყო. 49-ე წუთზე პედრიმ ულამაზესი გოლით სხვაობა შეამცირა, აქედან 3 წუთში კი ფერან ტორესმა გაათანაბრა ანგარიში.

კომპენსირებულ დროში უნაი ელგესაბალის ავტოგოლით ბარსამ გამარჯვება მოიპოვა და 3 ქულა ჩაიწერა აქტივში.

ჰანსი ფლიკის გუნდს ორი ტურის შემდეგ 6 ქულა აქვს. შემდეგ ტურში ბლაუგრანა რაიო ვალეკანოს ესტუმრება.

15' რომერო 1-0

45+7' მორალესი 2-0

49' პედრი 2-1

52' ფერანი 2-2

90+1' ელგესაბალი (ავტოგოლი) 2-3