VIDEO: პენალტი 130 კმ/სთ სიჩქარით - ნაპოლის მეკარე პენალტებს არაორდინალურად ურტყამს

იტალიის თასის 1/4 ფინალურ ეტაპზე, ნაპოლისა და კომოს შორის, პენალტების სერიაში განსაკუთრებული თერთმეტმეტრიანი შესრულდა.

ნეაპოლელთა სერბმა მეკარე ვანია მილინკოვიჩ-სავიჩმა ბურთს ისეთი ძალით დაარტყა, რომ 130 კმ/სთ-ის სიჩქარე მისცა - ძელიდან ასხლეტისა და მეკარისგან რიკოშეტის შემდეგ გოლიც გავიდა.

პირველი შემთხვევა არაა, როცა ვანია პენალტს ასე, უბრალოდ ძალაზე გათვლით, ურტყამს. ასევე იტალიის თასზე, კალიარისთან პენალტების სერიისას ანალოგიურად დაარტყა და იქ ბურთი პირდაპირ ბადეში გაახვია.

ვანია მილინკოვიჩ-სავიჩი საუდის არაბული ალ ჰილალის ნახევარმცველ სერგეი მილინკოვიჩ-სავიჩის ძმაა. ნაპოლის სეზონის დაწყებამდე ტორინოდან შეუერთდა, ალექს მერეტს კონკურენცია მოუგო და იტალიის მოქმედი ჩემპიონის პირველი მეკარეა.

ნაპოლისა და კომოს ფეხბურთელებმა 8-8 პენალტი შეასრულეს, გადამწყვეტი თერთმეტმეტრიანი სტანისლავ ლობოტკამ გააფუჭა და კომოელები იტალიის თასის 1/2 ფინალში 40-წლიანი პაუზის შემდეგ პირველად გავიდნენ.