ინტერ მაიამიმ MLS-ის მორიგ ტურში მონრეალი 7:1 გაანადგურა.
მატჩის მთავარი გმირი ლიონელ მესი გახდა, რომელმაც ოთხი გოლი გაიტანა და ერთი საგოლე გადაცემა მიითვალა. ეს იყო არგენტინელის კარიერაში მერვე პოკერი და პირველი 2020 წლის თებერვლის შემდეგ.
მესიმ ორი გოლი საჯარიმო დარტყმით შეაგდო, ერთი ინდივიდუალური გარღვევით, ერთიც მეკარისთვის ბურთის თავზე გადაგდებით გაიტანა. ამ შედეგით ის MLS-ის ბომბარდირთა დავას 19 მატჩში 18 გოლით ლიდერობს და ლიგის ისტორიაში ყველაზე სწრაფი ფეხბურთელია, ვინც ამ ნიშნულს მიაღწია.
არგენტინელის თამაშს თანაგუნდელი კაზემირო აღფრთოვანებით გამოეხმაურა:
აი, რას ნიშნავს გუნდში მესის ყოლა. ის არის ადამიანი და ფეხბურთელი, რომელიც ისტორიას ქმნის. მისი აქ ყოფნით უნდა ვისიამოვნოთ, რადგან მასთან ერთად ბევრად ძლიერები ვართ
მაიამის დროებითმა მწვრთნელმა, გილერმო ოიოსმა კი დასძინა:
ამ საფეხბურთო სილამაზის აღსაწერად სიტყვები არ მყოფნის. ის მუდმივად ეძებს გოლს და პასს. არ ვფიქრობ, რომ ჩვეულებრივი ფეხბურთელია, მისი თამაშის ანალიზი იმდენად ღრმაა, რომ საუბარს აზრი ეკარგება
