VIDEO: ფრე პარმასთან - მოქმედმა ჩემპიონმა ინტერს კიდევ უფრო გასწრების საშუალება მისცა
14 იან, 2026 · 0 წთ წასაკითხად
-
Aa
+
ფონტის ზომა
იტალიის სერია A-ს მე-16 ტურის ეგიდით, ნაპოლიმ და პარმამ ურთიერთშეხვედრა გამართეს და ნულოვანი ფრე ითამაშეს.
მოქმედმა ჩემპიონმა, დიდი უპირატესობის მიუხედავად, ამჟამად ცხრილის მე-14 ადგილოსანს გოლი ვერ გაუტანა და ლიდერ ინტერს კიდევ უფრო გასწრების საშუალება მისცა - ახლა 3 ქულით ჩამორჩება, თუმცა თუკი ნერაძური შინ ლეჩეს მოუგებს, სხვაობა 5 ქულამდე გაიზრდება.
აღსანიშნავია, რომ ანტონიო კონტეს გუნდმა ჩემპიონატში ზედიზედ მე-3 ფრე ითამაშა - ვერონასთან, ინტერთან და პარმასთან.
ისიც ხაზგასასმელია, რომ ნეაპოლიტანელებმა ბოლო 5 საშინაო მატჩიდან 3 ფრედ დაასრულეს - კომოსთან, ვერონასთან და პარმასთან.
შედეგად, 20 ტურის შემდეგ, ნაპოლის 40 ქულა აქვს და მილანთან (ამ ტურში სტუმრად კომოს ხვდება) მეორე-მესამე ადგილებს იყოფს - ინტერს 43 ქულა აქვს.
17 იანვარს, მორიგ ტურში, პარტენოპეის მეტოქე, ისევ სტადიო დიეგო არმანდო მარადონაზე, სასუოლო იქნება.
